శెనార్తిమీడియా, కరీంనగర్ :
రాష్ట్రస్థాయి బాస్కెట్‌ బాల్ ఛాంపియన్‌ షిప్‌ పోటీలకు కొత్తపల్లి పట్టణంలోని సెయింట్ జార్జ్ స్కూల్విద్యార్థులు ఎంపికైనట్లు స్కూల్ చైర్మన్ ఫాతిమారెడ్డి తెలిపారు. కరీంనగర్ పట్టణంలోని ఓ స్కూల్లో శనివారం నిర్వహించిన జిల్లాస్థాయి బాస్కెట్‌బాల్ ఛాంపియన్‌ షిప్‌ పోటీల్లో సెయింట్ జార్జ్ ఇంటర్నేషనల్ స్కూల్ విద్యార్థులు పాల్గొని అత్యుత్తమ ప్రతిభ కనబరిచి రాష్ట్రస్థాయి పోటీలకు ఎంపికైనట్లు ఆయన పేర్కొన్నారు. తమ స్కూల్కు చెందిన ఇద్దరు విద్యార్థులు వేర్వేరు విభాగాల్లో రాష్ట్రస్థాయి పోటీలకు ఎంపికయ్యారని, ఎన్.సుహాక్షి అండర్-14 విభాగంలో ఎంపికై ఖమ్మంలో నిర్వహించనున్న పోటీలకు, ఎన్.హెచ్.హనన్ అండర్-17 విభాగంలో ఎంపికై కరీంనగర్‌లో జరుగనున్న రాష్ట్రస్థాయి పోటీల్లో పాల్గొంటారన్నారు. రాష్ట్రస్థాయి పోటీలకు ఎంపికైన విద్యార్థులను, పీఈటీలను స్కూల్ చైర్మన్ ఈ సందర్భంగా అభినందించారు. కార్యక్రమంలో ప్రిన్సిపల్ ప్రియదర్శిని, లెక్చరర్స్ పాల్గొన్నారు.