by Mrunal Takur:‘సీతారామం’తో తెలుగు ప్రేక్షకుల మనసు గెలిచిన మృణాళ్‌ ఠాకూర్‌ తరువాత ‘హాయ్‌ నాన్న’తో మరో హిట్ అందుకున్నారు. ‘ఫ్యామిలీ స్టార్’ తక్కువ పరంగా నిరాశ పరచినప్పటికీ, తెలుగు పరిశ్రమపై విశ్వాసం కోల్పోకుండా ప్రస్తుతం అడివి శేష్‌తో కలిసి ‘డెకాయిట్’ సినిమాలో నటిస్తున్నది ఈ మరాఠీ బ్యూటీ. బాలీవుడ్‌ లోనూ తన కెరీర్‌ను సమాంతరంగా కొనసాగిస్తూ, ఒక్కో కథను జాగ్రత్తగా ఎంచుకుంటూ వెళ్తున్నది.
ప్రస్తుతం బాలీవుడ్‌లో ఆమె నటించిన ‘సన్నాఫ్‌ సర్దార్‌ 2’ విడుదలకు సిద్ధమవుతున్న సందర్భంగా జరుగుతున్న ప్రమోషన్ కార్యక్రమాల్లో మృణాళ్‌ పాల్గొంటున్నది. ఈ సందర్భంగా మీడియా ఆమెను పెళ్లి గురించి ప్రశ్నించగా, చాలా బాగున్న సమాధానం చెప్పింది.
“పెళ్లి చేసుకోవాలన్న ఆసక్తి నాకూ ఉంది. ఒక్కోసారి భర్త, పిల్లల గురించి ఊహించుకుంటూ కలలు కూడా కంటూ ఉంటాను. కానీ, ఆ విషయంలో నాకంటూ కొన్ని ఆశలు, కాంక్షలు ఉన్నాయి. అవి తీరడానికి సరైన సమయం రావాలి. ఇప్పట్లో ఆ దిశగా ఆలోచించడం లేదు. ఎందుకంటే, ఈ సమయంలో నా దృష్టంతా కెరీర్‌పైనే ఉంది. నేను ఒక నటిగా ఇంకా నేర్చుకోవాల్సింది, సాధించాల్సింది చాలా ఉంది. నటిగా ఒక స్థిరమైన స్థానం పొందిన తర్వాత, నా లక్ష్యాలు నెరవేర్చుకున్న తర్వాతే పెళ్లిపై ఆలోచిస్తాను” అని మృణాళ్‌ నవ్వుతూ చెప్పింది.
ప్రస్తుతం టాలీవుడ్‌లో అవకాశాలను ఎంచుకునే విధానంలో తక్కువ చిత్రాలు చేస్తూ, బాలీవుడ్‌లోనూ గుర్తింపు నిలుపుకుంటున్న మృణాళ్‌, తాను ఎంచుకునే ప్రతి పాత్రకు ప్రాధాన్యత ఇస్తున్నదని, నటిగా తాను పూర్తి స్థాయి సంతృప్తి పొందే వరకు వ్యక్తిగత జీవితంపై దృష్టి పెట్టేది లేదని చెప్పడం ఆమె నిజాయతీని చూపిస్తోంది.
