by Smart Kids School: మంచిర్యాల బైపాస్ రోడ్‌లోని స్మార్ట్ కిడ్స్ స్కూలు యాజమాన్యం విద్యార్థుల్లో చిన్ననాటి నుంచే సేవా భావం పెంపొందించే లక్ష్యంతో ప్రత్యేక అవగాహన కార్యక్రమం చేపట్టింది. ఈ సందర్భంగా విద్యార్థులను తోళ్లవాగు సమీపంలోని ఇండియన్ రెడ్ క్రాస్ నిర్వహిస్తున్న వృద్ధులు, అనాథల ఆశ్రమానికి తీసుకువెళ్లారు.
వృద్ధులు, అనాథల జీవన పరిస్థితులు, వారికి లభిస్తున్న సౌకర్యాలు, వారి దైనందిన జీవన విధానం గురించి చిన్నారులకు ప్రత్యక్ష అవగాహన కల్పించారు. వారి కోసం తమ వంతు సాయం చేయాలని అధ్యాపకులు విద్యార్థులను ప్రేరేపించగా, ప్రతి విద్యార్థి రగ్గులు, పండ్లు, బ్రెడ్ వంటి అవసరమైన వస్తువులను అందించారు. చిన్న వయసులోనే సేవా గుణాన్ని ప్రదర్శించడంతో వృద్ధులు విద్యార్థులను అభినందించారు. అనంతరం విద్యార్థులు, అధ్యాపకులు వృద్ధులు, అనాథలతో కలిసి జ్ఞాపకార్థంగా గ్రూప్ ఫోటో దిగారు.
-శెనార్తి మీడియా, మంచిర్యాల:
