by - ఉదయం10.30 గంటలు దాటినా ఆఫీసుకు రాని సిబ్బంది
- ఇబ్బందుల్లో క్రయ–విక్రయదారులు
- సమయ పాలనలో పారదర్శకత ఏదీ?
Sub Registror Office: మంచిర్యాల జిల్లా లక్షెట్టిపేట సబ్‌రిజిస్ట్రార్ కార్యాలయంలో ఉద్యోగుల నిర్లక్ష్యం ప్రజలకు తీవ్ర ఇబ్బందులు కలిగిస్తోంది. ఉదయం 10 గంటలకు కార్యాలయంలో ప్రారంభం కావలసిన పనులు ఆలస్యంగా ప్రారంభమవుతుండటంతో భూక్రయ–విక్రయ దారులు గంటల తరబడి ఎదురు చూడాల్సి వస్తోంది.
సమయానికి రాని ఉద్యోగులు
సోమవారం ఉదయం 10.30 గంటల సమమయంలో శెనార్తి మీడియా ప్రతినిధి లక్షెట్టిపేట సబ్ రిజిస్ట్రార్ కార్యాలయానికి వెళ్లగా కేవలం ఆఫీసు డోర్లు తీసి కనిపించాయి. ఆయా విధులు నిర్వర్తించిన సిబ్బంది తమకు కేటాయించిన సీట్లలో కనిపించలేదు. ఉదయం 10.30 గంటల తర్వాత సబ్ రిజిస్ట్రార్ నిర్మల కార్యాలయానికి చేరుకున్నారు. ఈ విషయమై సబ్ రిజిస్ర్టార్ ను వివరణ కోరగా సిబ్బంది వస్తారని తెలిపారు.
నిత్యం ఇదే తంతు..
కాగా మరో వైపు కార్యాలయ ద్వారం ముందే ఉదయం నుంచే ప్రజలు వరుసగా చేరుకుంటున్నా, సిబ్బంది సమయానికి హాజరుకాకపోవడంతో టోకెన్ల జారీ, పత్రాల పరిశీలన, రిజిస్ట్రేషన్ ప్రక్రియలు ఆలస్యమమవడం ఇక్కడ నిత్యకృత్యమవుతున్నదని అక్కడికి వచ్చిన వారు చెబుతున్నారు. కొందరు ప్రతిరోజు దూర ప్రాంతాల నుంచి వచ్చి తిరిగి వెళ్లాల్సి వస్తోందని అసహనం వ్యక్తం చేశారు. “సమయానికి డ్యూటీకి వస్తే మా పనులు సగం రోజులో పూర్తవుతాయి, కానీ ఇక్కడ ఉదయం గంటల తరబడి ఎదురుచూడాల్సిందే” అని భూక్రయ, విక్రయదారులు పేర్కొన్నారు.
మార్గదర్శకాలు పాటించని ఉద్యోగులు
కార్యాలయం బయట నోటీసులు, మార్గదర్శకాలు ఉన్నప్పటికీ పాలనలో స్పష్టత లేకపోవడం ప్రజలను మరింత ఇబ్బందుల్లో నెట్టేస్తోందని స్థానికులు విమర్శిస్తున్నారు. పత్రాల ధృవీకరణకు బాధ్యులైన అధికారుల లేమి కారణంగా రిజిస్ట్రేషన్ ప్రక్రియలు తరచూ వాయిదా పడుతున్నాయని తెలిపారు.
ప్రజల పనులు సమయానికి పూర్తయ్యేలా అధికారులు వెంటనే చర్యలు తీసుకోవాలని స్థానికులు డిమాండ్ చేస్తున్నారు.
– శెనార్తి మీడియా, మంచిర్యాల(లక్షెట్టిపేట)
