Vivo 50e :భారత మార్కెట్లోకి Vivo 50e విడుదల..ఫీచర్స్ ఇవే

 ఆకర్షణీయమైన డిజైన్, అధునాతన కెమెరా ఫీచర్లు

Vivo 50e : వివో కంపెనీ తన తాజా స్మార్ట్‌ఫోన్ Vivo 50eను భారతీయ మార్కెట్లోకి విడుదల చేసింది. ఈ ఫోన్‌లో లగ్జరీ డిజైన్, ఆకర్షణీయమైన డిస్‌ప్లే, శక్తివంతమైన కెమెరా సెటప్‌తో పాటు ప్రత్యేకమైన ఫోటోగ్రఫీ మోడ్స్‌ ఉన్నాయి. ప్రత్యేకంగా భారతీయ వినియోగదారుల కోసం రూపొందించిన వెడ్డింగ్ పోర్ట్రెయిట్ స్టూడియో మోడ్స్ ఈ ఫోన్ ప్రత్యేకత. అంతేగాక, ఎయ్‌ఐ ఆధారిత ఇమేజ్ ఫీచర్లు కూడా అందుబాటులో ఉన్నాయి.

విక్రయ తేదీ, వేరియంట్లు
Vivo 50e విక్రయం ఏప్రిల్ 17 నుండి ప్రారంభం కానుంది. ప్రీ–బుకింగ్ ఇప్పటికే ప్రారంభమైంది. ఈ ఫోన్‌ను Sapphire Blue మరియు Pearl White అనే రెండు కలర్ వేరియంట్లలో అందుబాటులోకి తీసుకువచ్చారు. డిజైన్ పరంగా ఇది స్లీక్‌గా, స్టైలిష్‌గా ఉంటుంది.

ధరలు మరియు స్టోరేజ్ ఆప్షన్లు
Vivo 50eను రెండు స్టోరేజ్ వేరియంట్లలో విడుదల చేశారు:

• 8GB RAM + 128GB స్టోరేజ్ – ₹28,999
• 8GB RAM + 256GB స్టోరేజ్ – ₹30,999

లాంచింగ్ ఆఫర్లలో భాగంగా, ఆన్లైన్ ద్వారా కొనుగోలు చేసే వినియోగదారులకు ఎంపిక చేసిన కార్డులపై 10 శాతం తక్షణ డిస్కౌంట్ లభిస్తుంది. పాత ఫోన్‌ను ఎక్స్ఛేంజ్ చేస్తే ఎక్స్ఛేంజ్ బోనస్ కూడా పొందవచ్చు.

డిస్‌ప్లే, ప్రాసెసర్ ఫీచర్లు
ఈ ఫోన్‌లో 6.77 అంగుళాల Ultra-Slim Quad-Curved డిస్‌ప్లే ఉంది, ఇది 120Hz రిఫ్రెష్ రేట్ కలిగి ఉంటుంది. వినియోగదారులకు మెరుగైన వ్యూయింగ్ అనుభూతిని అందిస్తుంది. ఫోన్‌కు MediaTek Dimensity 7300 చిప్‌సెట్ను ఉపయోగించారు, ఇది 4nm టెక్నాలజీపై నిర్మితమైంది. 8GB ఫిజికల్ RAMతో పాటు 8GB వర్త్యువల్ RAM కూడా అందుబాటులో ఉంటుంది.

బ్యాటరీ మరియు ఛార్జింగ్
Vivo 50eలో 5600mAh బ్యాటరీని ఉపయోగించారు. దీనికి తోడు 90W ఫ్లాష్ ఛార్జర్ను అందిస్తున్నారు. ఇది ఇప్పటివరకు Vivo V సిరీస్‌లో వచ్చిన అత్యంత వేగవంతమైన ఛార్జర్గా కంపెనీ పేర్కొంది. అలాగే పలు AI ఫీచర్లు ఫోన్‌లో పొందుపరిచారు.

కెమెరా సెటప్ విశేషాలు
ఈ ఫోన్‌లోని ప్రైమరీ కెమెరా 50MP, దీనిలో Sony IMX882 సెన్సార్, OIS (Optical Image Stabilization) సపోర్ట్ ఉంది. తక్కువ కాంతిలోనూ నాణ్యమైన ఫొటోలు తీయగల సామర్థ్యం ఇందులో ఉంది.
Sony మల్టీ-ఫోకల్ పోర్ట్రెయిట్ ఫీచర్లతో:

• 1x (26mm)
• 1.5x (39mm)
• 2x (52mm)

అన్న మూడు ఫోకల్ లెన్త్ ఆప్షన్లు ఉన్నాయి. ఇవి సహజమైన డెప్త్‌తో పోర్ట్రెయిట్ ఫోటోలను అందిస్తాయి.

రియర్ కెమెరాలో మరో 8MP అల్ట్రా–వైడ్ లెన్స్ ఉంది, ఇది 116 డిగ్రీలు విస్తృతమైన కోణంలో ఫోటోలు తీయగలదు. సెల్ఫీ, వీడియో కాలింగ్ కోసం 50 మెగా పిక్సెల్ ఫ్రంట్ కెమెరా ఇచ్చారు. 92 డిగ్రీల వైడ్ ఫీల్డ్ వ్యూ కలిగి ఉండడం ఈ ఫోన్ మరో ప్రత్యేకత . ఫ్రంట్, రియర్ రెండూ 4K వీడియో రికార్డింగ్కు సపోర్ట్ చేస్తాయి.