by - విద్యను విక్రయించిన కళాశాలలు: అనుమతుల వెనుక అసలు ఆట
- అనుమతుల పేరుతో విద్యార్థుల భవిష్యత్తు తాకట్టు
- కళాశాలల మోసగాళ్ల ఆటలు: ఫీజులు పెంచి ఫలితం నశింపజేశారు
PERMISSION DRAMA : మంచిర్యాల జిల్లా లక్షట్‌పేట్ మున్సిపాలిటీలోని డిగ్రీ కళాశాలలు విద్యను సేవగా కాకుండా వ్యాపారంగా మార్చి, విద్యార్థుల జీవితాలతో ఆడుకుంటున్నాయనే ఆరోపణలు పెరుగుతున్నాయి. ఒకే ఇంటి నెంబర్‌పై అనుమతులు పొందిన ఈ కళాశాలలు తరచూ భవనాలను మార్చడం, విద్యార్థులకు కనీస సౌకర్యాలను కూడా అందించకపోవడం సమస్యగా మారింది.
- అనుమతులు ఒక చోట, కళాశాలలు మరొక చోట..
ఇంటిభవనాలను కాలేజీలుగా మార్చి, నిబంధనలను అతిక్రమించడం ఈ యాజమాన్యాల పాలసీగా మారింది. ఫలితంగా విద్యార్థుల చదువులు తీవ్రంగా ప్రభావితమవుతున్నాయి. తాత్కాలిక భవనాలు, అసమర్థమైన సౌకర్యాలు విద్యార్థులకు తీరని ఇబ్బందులు తెచ్చిపెడుతున్నాయి.
అధికారుల అలసత్వం..
ఈ సమస్యను పరిష్కరించడంలో అధికారులు పూర్తి వైఫల్యం చాటుతున్నారు. తల్లిదండ్రులు పునరావాసం కోరినా, వారి ఫిర్యాదులపై స్పందన లేని పరిస్థితి ఆగ్రహాన్ని రగిలిస్తోంది.
- అధిక ఫీజులు, కనీస సౌకర్యాలు లేకపోవడం..
ఫీజుల పేరుతో వేల రూపాయలు వసూలు చేస్తూనే, విద్యార్థులకు అవసరమైన ప్రాథమిక సౌకర్యాలను అందించడంలో కళాశాలలు విఫలమవుతున్నాయి. విద్యార్థుల భవిష్యత్తు ప్రశ్నార్థకమవుతుందని స్థానికులు ఆందోళన వ్యక్తం చేస్తున్నారు.
- ప్రజల ఆగ్రహం కట్టలు తెంచుకుంటోంది..
అనుమతుల పేరుతో కళాశాలల యాజమాన్యాల తతంగం కొనసాగితే, ప్రజలు దీక్షలు చేపట్టే పరిస్థితి తలెత్తుతుందని హెచ్చరిస్తున్నారు.
- ప్రభుత్వానికి సవాల్..
ఈ సమస్యపై ప్రభుత్వం వెంటనే జోక్యం చేసుకొని, కళాశాలల యాజమాన్యాల తీరుపై చర్యలు తీసుకోవాలని తల్లిదండ్రులు డిమాండ్ చేస్తున్నారు. సమగ్ర విచారణ జరిపి, నిబంధనలకు విరుద్ధంగా వ్యవహరించిన వారిపై కఠిన చర్యలు తీసుకోవాలంటూ వారు హితవు పలికారు.
-శెనార్తి మీడియా, మంచిర్యాల:
