by విరాట్ కోహ్లీ స్లో ఇన్నింగ్స్… ఆర్సీబీకి విజయానికి దోహదం!
IPL final-2025:అహ్మదాబాద్‌లోని నరేంద్ర మోదీ స్టేడియంలో జరిగిన ఐపీఎల్ 2025 ఫైనల్లో రాయల్ ఛాలెంజర్స్ బెంగళూరు చరిత్ర సృష్టించింది. తొలిసారి టైటిల్‌ను గెలుచుకున్న ఆర్సీబీ, ఫైనల్లో పంజాబ్(Punjab Kings)కింగ్స్‌పై ఘనవిజయం సాధించింది. అయితే ఈ మ్యాచ్ అనంతరం చర్చల్లోకెళ్లింది మాత్రం – విరాట్ కోహ్లీ(Virat kohli) ఆడిన స్లో ఇన్నింగ్స్(slow innings).
ఆర్సీబీ (RCB) నిర్ణీత 20 ఓవర్లలో 190 పరుగులు చేసింది. స్కోరు అట్టడుగుగా కనిపించినప్పటికీ, ఈ లక్ష్యం వెనుక కీలకంగా నిలిచిన ఇన్నింగ్స్‌లు కొన్ని ఉన్నాయి. ముఖ్యంగా విరాట్ కోహ్లీ ఆడిన ఇన్నింగ్స్ మ్యాచ్ మలుపు తిప్పింది. కోహ్లీ 35 బంతుల్లో కేవలం 43 పరుగులు మాత్రమే చేశాడు. ఇందులో 3 ఫోర్లు మాత్రమే ఉండగా, స్ట్రైక్‌రేట్ (strike rate) 122 కంటే తక్కువగా నమోదైంది. ఇది ఈ ఫార్మాట్‌కు తగ్గట్టు కాకపోయినా, మ్యాచ్ పరిస్థితుల దృష్ట్యా ఆ ఇన్నింగ్స్ ఆర్సీబీకి అత్యవసరంగా మారింది.
ఒక ఎండ్‌ నుండి నిలిచి వికెట్లను కాపాడిన కోహ్లీ, సింగిల్స్-డబుల్స్‌తో స్కోరు ముందుకు తీసుకెళ్లాడు. ఆ సమయంలో ఫలితంపై ఒత్తిడి అధికంగా ఉండటంతో, అతని స్థిరత్వమే స్కోరును స్థిరంగా నడిపించడంలో కీలకమైంది. అనంతరం లక్ష్య చేధనలో పంజాబ్(Punjab) బ్యాటింగ్ విఫలమై, ఆర్సీబీ సునాయాస విజయాన్ని సొంతం చేసుకుంది.
పరిశీలనార్హంగా, తొలి ఇన్నింగ్స్ తర్వాత సోషల్ మీడియాలో కోహ్లీపై “టెస్టు మోడ్” లో ఉన్నాడంటూ విమర్శలు వెల్లువెత్తినప్పటికీ, ఆర్సీబీ గెలిచిన తర్వాత అందరికీ అతని ఇన్నింగ్స్ విలువ అర్థమైంది. 18 ఏళ్ల నిరీక్షణకు చెక్ పెడుతూ ట్రోఫీని ఎగరేసిన ఆర్సీబీ విజయానికి కోహ్లీ ఇన్నింగ్స్ ఎంతో బాధ్యతాయుతంగా సహకరించిందని స్పష్టమైంది.
